सावंगी–साखी घाटातील रेती चोरी थांबवा
डोंगे आणि पोकलँड काढा; उद्या जिल्हाधिकाऱ्यांना निवेदन
वर्धा (प्रतिनिधी) – उद्या छत्रपती सेनेच्या वतीने Wardha येथील जिल्हाधिकाऱ्यांना निवेदन देऊन आंदोलनाचा इशारा देण्यात येणार आहे. Hinganghat तालुक्यातील सावंगी आणि साखी घाटांवरील डोंगे व पोकलँड यंत्रणा त्वरित हटविण्याची मागणी करण्यात येणार आहे.
सावंगी घाटावर मोठ्या प्रमाणात रेती चोरी सुरू असून लावण्यात आलेले डोंगे अवैध असल्याचा आरोप करण्यात आला आहे. पोकलँडच्या साहाय्याने रेतीचा उपसा केला जात असून कोणतीही रॉयल्टी न भरता शासनाचे नुकसान केले जात असल्याचे निवेदनात नमूद करण्यात येणार आहे. शासनाच्या धोरणानुसार घाट चालवावा, अन्यथा तीव्र आंदोलन छेडण्यात येईल, असा इशारा देण्यात येणार आहे.
निवेदनानंतरही कारवाई न झाल्यास सेनेचे सर्व कार्यकर्ते संबंधित ठिकाणी ठिय्या आंदोलन उभारतील, असेही कळविण्यात येणार आहे.
Leave a Reply