नागपुरातील प्रसिद्ध कॉफी हाऊसवर LPG तुटवड्याचा परिणाम; कामकाजाचे तास कमी
नागपूर | प्रतिनिधी रवि थोरात
नागपूर शहरात एलपीजी (LPG) चा तीव्र तुटवडा निर्माण झाल्याने हॉटेल आणि रेस्टॉरंट व्यवसायावर मोठा परिणाम होत आहे. विशेषतः गो-गॅस पुरवठ्यातील व्यत्ययामुळे सदर परिसरातील ५० वर्षांहून अधिक जुन्या प्रसिद्ध कॉफी हाऊसला आपल्या कामकाजाचे तास कमी करण्याची वेळ आली आहे.
पुरवठा कमी झाल्यामुळे अनेक हॉटेल्स आणि रेस्टॉरंट्सना मर्यादित क्षमतेने काम करावे लागत असून काही ठिकाणी व्यवसाय पूर्णपणे बंद ठेवावा लागत आहे. शहरातील प्रसिद्ध जोशी समोसा यांसह इतर अनेक आस्थापनांवरही या परिस्थितीचा परिणाम झाला आहे.
शहरातील गो-गॅस एलपीजी पुरवठा विस्कळीत झाल्यामुळे इमामवाडा, कामठी आणि मानेवाडा परिसरातील पेट्रोल पंपांवर गॅस उपलब्ध नसल्याचे चित्र आहे.
हॉटेल उद्योगावर गंभीर परिणाम
सदरमधील कॉफी हाऊसेसना पूर्वी दिवसातून चार वेळा गॅस पुरवठा मिळत होता. मात्र सध्या हा पुरवठा केवळ दोन वेळाच होत असल्याने त्यांना वेळेआधीच दुकान बंद करावे लागत आहे.
गॅसच्या तुटवड्यामुळे काही रेस्टॉरंट्सना लाकडाच्या चुलीवर स्वयंपाक करण्याची वेळ आली आहे. तसेच व्यावसायिक गॅस सिलिंडरच्या मर्यादित उपलब्धतेमुळे हॉटेल मालकांना मेन्यू कमी करावा लागत आहे. काही हॉटेल्स तर पूर्णपणे बंद ठेवण्याचा निर्णय घेत आहेत.
Leave a Reply